Argiteria publikoko lineetarako aluminiozko kableak erabiltzeari buruz adierazi diguzuen zalantzaren aurrean, kobrezko lineen lapurretak maiztasunen batekin erregistratzen direlako eta ITC BT 09k aurreikusten ez duenez, aipatutako ITCaren gidan aukera bat badago ere, kontsulta egin diogu Industria Ordezkaritzari.
Jarraian, jasotako erantzuna helaraziko dizuegu, kontuan izan dezazuen, baldin eta, uneren batean, argiteria publikoko sareetan aluminiozko kableak erabiltzea planteatzen baduzue edo planteatzen bazaizue.
Aplikatzeko Gida Teknikoak ez du arau-izaerarik, eta, beraz, aluminiozko eroaleen erabilera ez da ITC-BT-09aren aplikazio zuzena. Erabilera segurtasun-teknika baliokide gisa justifikatu behar da, BTEEren 23.3.b artikuluaren arabera, eta autonomia-erkidegoko organo eskudunak onartu behar du.
Argiteria publikoko kableatuan aluminioa erabili beharrean kobrea erabiltzeko salbuespen-eskaerak Erregistro Elektroniko Orokorraren bidez egin behar dira.
Eskaerarekin batera, titularrak edo haren ordezkariak sinatutako memoria-dokumentu bat aurkeztu behar da, eskabidearen xedea eta arrazoia, proposatutako irtenbide teknikoa eta aplikatu beharreko konpentsazio-neurriak adierazita. Era berean, instalazioaren kokapena kaltebera dela edo lapurretarekiko esposizio handia duela justifikatu behar da.