Izozte-instalazioen segurtasun-erregelamendu berriaren aplikazio praktikoa (RD 552/2019) (208624)

JUSTIFIKAZIOA

Izozte-instalazioen erregelamendu berri honek izozte-instalazioak arautzen ditu, segurtasunez hotz-zerbitzua eskaintzeko, bai industria-instalazioetan —prozesu industrialetan eskakizun termiko eta higienikoak betetzeko—, bai erabilera ez-industrianoko eraikinetan, bero-ponparen bidez klimatizazioa bermatuz eta eraikinetako ongizate termikoko baldintzak lortzeko.

Izozte-instalazioen erregelamendu berri honen helburu nagusia da izozte-instalazioetarako segurtasun-araudia egokitzea Europako esparruan aplikatzen den hozgarri-fluidoen sailkapen berrira (UNE-EN 378 araua), 2L hozgarri-talde berria sortuz. Horri esker, aire girotuko gailuetan atmosfera-berotze potentzial txikia duten (R-32 eta HFO motako) eta sukoitasun arineko hozgarriak erabil daitezke. Era berean, araudia hobetzea du helburu, teknika eboluzioa eta aplikazioan pilatutako esperientzia kontuan hartuta, argitaratu diren aplikazio-gidak txertatuz eta administrazio-prozedurak sinplifikatzen saiatuz.

Erregelamendu berri honen bidez, Espainiako Estatuak betetzen du Europako Parlamentuaren eta Kontseiluaren (EB) 517/2014 Erregelamendua, 2014ko apirilaren 16koa, berotegi-efektuko gas fluoratuei buruzkoa. Arau horrek eskatzen du hidrofluorokarbono (HFC) kantitateak murriztea —Europar Batasunean merkaturatu daitezkeenak, hau da, inportazioaren edo produkzioaren bidez—, GEI emisioak murrizteko helburuarekin eta A2L motako hozgarriak orokorrean erabiltzeko aukera emanez.

HELBURUAK

Izozte-instalazioen Segurtasun Erregelamenduaren edukiak aurkeztea eta azaltzea, ikasleei araudia aplikatzeko beharrezko ezagutza emateko, hainbat kasu praktiko eginez.

Gaitegia

EDUKIAK (laburpena)

Errege Dekretua 552/2019

IF-01. Terminologia
IF-02. Hozgarri-fluidoen sailkapena
IF-03. Hozte-sistemen sailkapena
IF-04. Hozgarri desberdinen erabilera
IF-05. Hozte-osagaien diseinua, eraikuntza, materialak eta erabilitako isolamenduak
IF-06. Instalazioen osagaiak
IF-07. Makina-gela bereziak: diseinua eta eraikuntza
IF-08. Instalazioen gainpresioen aurkako babesa
IF-09. Zerbitzua abiarazi aurreko saiakerak, probak eta berrikuspenak
IF-10. Markaketa eta dokumentazioa
IF-11. Ganbera hotzak, atmosfera artifizialeko ganberak eta prozesuetarako hoztutako lokalak
IF-12. Instalazio elektrikoak
IF-13. Izozte-enpresa gisa gaitzeko beharrezko gutxieneko baliabide teknikoak
IF-14. Instalazioen mantentzea, berrikuspenak eta ikuskapen periodikoak
IF-15. Izozte-instalazioen martxan jartzea
IF-16. Prebentzio- eta babes-neurriak
IF-17. Hozgarri-fluidoen manipulazioa eta instalazioetan isurketak murrizteko neurriak
IF-18. Hodi-identifikazioa eta izozte-instalazioen eskemetan erabiliko diren sinboloak
IF-19. Izozte-profesionala: pertsonen ziurtapenerako erakunde akreditatuek egiaztatu beharreko oinarrizko gaitasunak
IF-20. Eraikinetako instalazio termikoak, L2 eta L3 taldeko hozgarriak erabiltzen dituzten ekipo trinkoen zirkuitu primarioekin. Baldintza bereziak
IF-21. UNE erreferentziazko arauen zerrenda