JUSTIFIKAZIOA
Eurokodoak Europako Batzordearen ekimen baten ondorio dira; ekimen hori Europako Normalizazio Batzordeari (ENB) 1989tik gaur arte emandako hainbat aginduren bidez bideratu zen. Horren helburua da Europako arau-multzo bakarra izatea, erresistentzia mekanikoaren eta egonkortasunaren funtsezko betekizunak betetzen direla frogatzeko, bai eta eraikuntza-obretan eta ingeniaritza zibileko obretan sutea gertatuz gero segurtasun-eskakizunak betetzen direla frogatzeko ere.
Europako inguruko herrialdeetan ez ezik, Europatik kanpokoetan ere erabili izan da, eta, sarritan, eraikuntzarekin zerikusia duten nazioarteko kontratu askoren erreferentziazko arau-esparrua dira. Arrazoi tekniko eta ekonomikoengatik, funtsezkoa da Eurokodoak ezagytzea eraikuntza-proiektuen araudi gisa, eraikuntza- eta proiektu-enpresentzako Europako esparru teknologikoa osatzen baitute.
Ikasleek altzairuzko egitura baten oinarrizko diseinu-prozesua ezagutuko dute, altzairuaren hautaketatik hasi eta egitura gauzatu arte, berezia jarriko dute proiektuko egoera bakoitzerako egitura-sistemak eta egitura-elementuak egokiak aukeratzeko ezagutzan.
HELBURUAK
- Altzairuzko egituretarako arau-esparrua ezagutzea
- Altzairuaren propietateak eta egiturazko altzairu-motak ezagutzea
- Egitura batean eragiten duten karga klimatikoak lortzea
- Oinarrizko egitura-sistemak hautatzea
- Funtzio bakoitzerako egitura-elementuak ezagutzea (pilarea, habea, txarrantxatzea...)
- Egitura-analisia EN 1993 arauaren barruan bideratzea
- Zeharkako sekzio bat sailkatzea eta esfortzu desberdinekiko duen erresistentzia kalkulatzea
- Egiaztatu barra baten ezegonkortasuna gilborduraren eta alboko gilborduraren aurrean
- Loturak identifikatzea eta erresistentziaren, zurruntasunaren eta biraketa-ahalmenaren arabera sailkatzea
- Altzairuzko egiturak lantegian fabrikatzeko prozesu ohikoenak ezagutzea
- Industria-nabe baten diseinu- eta kalkulu-adibide bat berrikustea
- Berrikusi ur-andel altu baten kalkuluaren adibide oso bat