Zer proiektu eta lan tekniko sinatu ditzake legez industria-adarreko ingeniaritza graduatu batek? Zein da unibertsitatean eskuratutako «gaitasunen» eta legeak aitortzen dituen «atribuzio profesionalen» arteko muga erreala?
Gipuzkoako Industria Arloko Gradudunen eta Industria Ingeniari Teknikoen Elkargo Ofizialetik (COGITIG) hitzaldi argigarri hau antolatu dugu elkargokideei, profesional berriei eta ingeniaritzako azken mailetako ikasleei zuzenduta, lan-merkatuan eta administrazio publikoaren aurrean gure lanbide arautuaren eskumenak eta eskubideak argi eta garbi ezagut ditzaten.
Jardunaldian landuko diren puntu nagusiak:
- Titulu akademikoa vs. Lanbide arautua: Gaitasunen («egiten jakitea») eta atribuzio profesionalen («sinatzeko legezko gaitasuna») arteko desberdintasun juridikoa.
- CIN/351/2009 Agindua: Zein gradu-tituluri dagozkien zuzenean Industria Ingeniaritza Teknikoko lanbide-atribuzioak.
- Araudia:
- 12/1986 Legea: norberaren espezialitateko atribuzio osoak eta adarreko gainerako arloetako muga historikoak.
- Eraikuntzaren Antolamendurako Legea (LOE): proiektugile eta obra-zuzendari gisa jarduteko esparruak.
- Industria Ministerioaren irizpideak Segurtasun Industrialeko Araudietan (BEA, ATE, Industriako Suteen Aurkako Erregelamendua, etab.).
- Elkargokidetza eta ikus-onetsia: Lanbidean jarduteko legezko betebeharrak, erantzukizun zibila eta Elkargoak ematen duen segurtasun juridikoa.
Datu praktikoak:
- Data: 2026ko azaroaren 24
- Ordutegia: 18:00etik 19:30etara]
- Modalitatea: Aurrez aurre (Elkargoaren egoitzan) eta streaming bidez online.
- Hizlaria: Iñaki Sayar/ Elkargoko Gobernu Batzordeko kidea
- Prezioa: Doakoa (beharrezkoa da aldez aurretik izena ematea).
Izen-ematea:
Leku mugatuak direnez, eman izena mezu bat bidaliz secretaria@cogitig.com helbidera (adierazi izen-abizenak, elkargokide zenbakia edo ikaslea zaren, eta parte-hartze modua: aurrez aurre edo online).